UN POCU DI STORIA

PignaSecondu e cronache, u paese s'hè stabilitu circa l’annu 800 cù Consalvo, unu di i seguenti di u Comte Colonna, mandatu da u Papa per liberà a Corsica da i Sarracini. Pigna hè diventatu oghje u spechju di a sperimentazione suciale è culturale. Quì, si svoglienu quantità d’attività à a misura di a Balagna o di a Corsica. In seguita di a scaduta di a ruralità, Pigna hà fattu, in cor di l’anni 60, a scumessa di mantene ci a vita. Ci si conta oghje più giovani chè vechji è ci si accertanu, in pace, pruduzzione in quantità. Dui pastori, attelli di terraghje, d’incise, d’intagliu, d’ebanisteria, un maestru di mure, un organaiu, un liutaiu, duie butteghe d’artisgianatu è d’agroalimentariu, è una osteria ne sò a prova !

Vechjiu casale in veghja

Quandu una squadra d’amici anu decisu di stabilisce ci u so associu, e so petre anu ripigliatu vita. Fù in cor di 1985, per dà capu attempu à u cantu è scucinà, fà scambii è accolta, mantene memoria è creazione. E mure di a Casa Musicale appartenenu à una di e più tremende famiglie di a Balagna. Fù un tempu chì quì ci ghjucavanu i zitelli, duve ci si franghjia l’oliu è mettia vinu in botte, duve ci si scucinava à u pianu supranu pranzi per tutt’ognunu. U fornu era accesu à fascine ch’ellu ci vulia à andà circà luntanu… Un tempu chì facia sorge da terra a richezza è chì e dilicate brame permettianu, frattempu, un equilibru.
Oghje, issu casale accoglie artisti d’un capu d’annu à l’altru, à chì in residenza permanente, tale sò A Cumpagnia, Madrigalesca è Zambalarana, chì ci mettenu l’alegria suttile d’una nova indiatura.

 
hotel balagne pigna

Riservazione

Tel. : 04 95 61 77 31
Fax : 04 95 61 77 81
Cette adresse email est protégée contre les robots des spammeurs, vous devez activer Javascript pour la voir.