Tutte l’attività culturale chì si svoglienu à a Casa Musicale sò organizate da a Federazione Voce Cumune. Creata in 1978, ella hà datu nascita à l’Associi : A Casa Musicale, A Cumpagnia, Arte è Musica, Festivoce, ch’ella adunisce oghje. U so duminiu propriu hè quellu di a furmazione, di a ricerca, di u sparghjimentu è di a creazione.

Una mediateca chì permette di cunsultà i fondi racolti dapoi anni è anni in tutta a Corsica è d’altronde, à una bibliuteca musicale.

Festivoce u Festivale di a voce impegna musicanti da u 14 à u 18 di lugliu 2020 in tutti i più belli paesi di Balagna. L’artisti venenu da tutti i paesi di u mondu duve a voce si face sente tra spaziu è tempu.

Un studio d’arregistramentu cù u Label Casa Éditions risanatu in cor di 2006, hè pruvistu di strumenti d’alta tecnologia. Artisti lucali o di u mondu sanu venenu à registrà inde issu spaziu eccezziunale duve tuttu accunsente à a creazione è à l’espressione artistica. Casa Editions conta digià più di 30 riferenze realizate : www.casa-editions.com

L’Auditorium eccu a creazione d’un spaziu musicale originale in fatti d’acustica è di scenugrafia. Di primura pretende d’esse un locu d’opera sperimentale, di ripetizione, d’aregistramenti, è di creazione à pro di e furmazione musicale è vucale, è in secondu un spaziu di sparghjera d’isse opere.

Una scola d’art u sabbatu dopu meziornu è in settimana, si pò prufittà di tutti issi attelli indiati da l’abitenti di u paese inde i duminii di u cantu, di a musica è di i strumenti, è dinò di u teatru, di u circulu, ecc…

Molti artisgiani liutaiu, pignulaiu, incisore, maestru di mure, Casa d’Artisgiani (vendita di prudutti lucali è artisgianali), Scata musica (vendita di scatule à musica di Pigna),  Festivoce, Voce Cumune è Arte di a Musica (3 associi à l’iniziu d’attività artistiche è culturale di u paese).